طبعا كل ام خاصة لو ام بنت بتتمنى ان شعر طفلها عامة وبنتها على وجه الخصوص يبقى جميل وناعم وقوى وللاسف احنا بنسال دايما عن اى اجمل شامبو واى افضل زيت لشعر البيبى وبننسى تماما اهم عامل فى جمال الشعر وتقويته وهو (التغذيه الداخليه) من اهم الاسباب اللى لازم تحافظى عليها عشان شعر طفلك يبقى جميل وقوى هو الاهتمام ( بتغذيته جيدا ) وتنويع الاكل له والاهتمام بالكالسيوم والحديد والفاكهه والخضروات وعدم اعتماد الطفل على المصاصات والشيكولاته والشيبسى والعصائر المليئه بالمواد الملونه والحافظه واستبدالها بالعصائر الطبيعيه فى البيت وشرب كميات كبيييييييييره من الماء ده اول واهم عامل من العوامل اللى تساعدك على تقوية شعر طفلك وده طبعا بيبدا من اول ما كان طفلك لسه جنين فى بطنك فلازم تحسنى انتى كمان وانتى لسه حامل طريقة اكلك تانى عامل (المايه اللى بتغسلى بها شعر طفلك ) وده عامل مهم وانا بنفسى بلاحظه على بنتى لما بننزل مصر بيكون شعرها افضل عن هنا لان هنا المايه ملحه وبتبوظ الشعر تالت حاجه يا اجمل فتوكات متنسوش (عامل الوراثه) يعنى مش تبقى الام او الاب مثلا شعرهم مش قوى اوناعم ونقول الولد او البنت شعرهم ماله كده وكذلك الوراثه من ناحية الام والاب يعنى الخاله والعمه وهكذا وقبل ده كله واهم منه انك تؤمنى ان ده رزق وتحمدى الله على كل حال ففى الوقت اللى بتندب فيه ام حظها على شعر ابنها او بنتها هناك يرقد امهات بجانب اولادهن فى المستشفيات وقد فقدن شعرهم بالكليه حيث يعانى الطفل من اشد الامراض كالكنسر وغيره عافانا الله واياكم واولادنا واولاد المسلمين فاحمدى الله دائما على كل حال وذكرى نفسك دائما انك افضل من غيرك بالنسبه بقا (للتغذيه الخارجيه) كالشامبو والبلسم والزيت وغيره ومن خلال تجربتى فانا استعملت لبنتى شامبو جونسون للشعر والزيت بتاعه كان جميل وريحته حلوه وهاديه بس عيبه انه كان بيهيش الشعر ده الاصفر لكن الابيض افضل من الاصفر وبالنسبه لفك التشابك فبلسم جونسون الاخضر لفك التشابك كويس ودى صورته
والطفل لغاية لما يبقى عنده سنه وده اللى عملته لبنتى مفيش حاجه اسمها زيت على شعره ولا كريمات ولا حمام كريم ولا طبعا استشوار ولا الكلام ده كله يدوب اول سنه شامبو ومش كل يوم حتى لو بتحمى الطفل كل يوم تغسلى شعره مرتين بس فى الاسبوع بالشامبو وخلى بالك ان مهم جدااا غسل شعر البيبى بالمايه من ورا بالذات فى اول شهور من ولادته لان عدم الاهتمام بالامر ده بيخلى شعر البيبى يطلع ناشف فى المنطقه دى بعد كده وبدات اقص لبنتى اطرافه الغير متساويه بحيث اساويه بس يعنى مش قص جامد وتسرحيه باستمرار مرتين تلاته فى اليوم عشان ينشط الدوره الدمويه للطفل وانتى كمان بتحطى الشامبو تدلكى برفق جلدة الشعر بتاع طفلك وبالنسبه للتوك فى اول سنه بلاش شد الشعر جامد ولا الزعروره ولا حتى المجنونه ده كله بياثر على شعر الطفل بعد كده ونرجع نشتكى حتى لو شعر الطفل ملفلف خليه بطيبعته اول سنتين يدوب بس تسريحه وتحطى توكه بسيطه على جنب زى كده
او كده
دول افضل تسريحتين للطفل فى السنتين الاولى بعد كده ممكن نعمل ديل الحصان والزعرورتين والقصات اللى بردو مش تشد جلدة الشعر جامد وبعد السنه الاولى ممكن تحطى للبيبى زيت عادى ومش بفضل زيت جونسون لانه كان بينشف لبنتى شعرها زيت دابر املا حلو وبلاش فاتيكا لانه كمان بينشف الشعر وزيت الزيتون جميل جدااا وبيتقل بس بردو بيهيش وطبعا ياقمرات ممكن اللى ينفع لشعر بنتى مينفعش لشعر بنتك والعكس فشوفى انتى اللى يناسب لشعر بنتك او ابنك واللى يجيب نتيجه افضل معاه وبس ياقمرات دى تجربتى واتمنى اكون افدتكم ولو افاده بسيطه
هام جداً: قوانين المساهمة في المواضيع. انقر هنا للمعاينة
احترم مواضيع الآخرين ليحترم الآخرون مواضيعك لا تحتكر الموضوع لنفسك بإرسال عدة مساهمات متتالية عند طرح موضوع يجب أن تتأكد أن عنوان الموضوع مناسب او لا تحل بحسن الخلق و بأدب الحوار و النقاش لا تنس أن اختلاف الرأي لا يفسد للود قضية, فلا تتهجم على عضو بدعوى أنه لا يشاطرك الرأي ان قطعت عهدآ مع عضو فأوفي بوعدك لأنه دين عليك إن حصل خلاف بينك و بين عضو حول مسألة ما فلا تناقشا المشكله على العام بل على الخاص ان احترمت هذه الشروط البسيطة, ضمنت حقوقك و عرفت واجباتك. و هذه افضل طريقة تضمن بها لنفسك ثم لمساهماتك و مواضيعك البقاء و لمنتداك الإزدهار في موقعنا إدارة منتديات برامج بلا حدود
Home
5/2/2013, 5:36 pm
هام جداً: قوانين المساهمة في المواضيع. انقر هنا للمعاينة 
