انهاردة جيبالكم اكلة يارب تعجبكم وهي مشهورة أوي عندنا في المناسبات والعزومات ولايمكن يكون فيه بوفيه من غير رز بالخلطة والرز بالخلطة له طرق كتير انا جربت منها شوية وال عجبتني طعمها اوي ولاقيتها مميزة بجد وطبعا عجبت جوزي ده اساسي هي الطريقة دي ودي صورته قبل لما ادخل على الطريقة
اضغطي هنا لمشاهدة الصورة بحجمها الأصلي
المقادير معلقتين سكر كوبايتين رز مصري كوبايتين ميه او شوربة فراخ مكعب ماجي كبد وقوانص متقطعين بصلة صغيرة مفرومة ملح وفلفل وورق لورا و3 حبات قرنفل و1/2 معلقة صغيرة قرفة ناعمة معلقة سمنة بلدي ومعلقة زيت علشان ما تبقاش تقيلة معلقة صلصة طماطم مكسرات مقلية في معلقة سمنة فحمة صغيرة اختياري بس بتدي طعم جميل
الطريقة: - نحط السكر على النار لحد ما يتكرمل خلي بالك لو اتحرق هيمرر ولو فضل فاتح هيخرز - لما يتكرمل ننزل بالبصلة والكبد والقوانص المتقطعة والتوابل ومرقة الماجي - بعدها نحط السمنة والزيت ( على فكرة السمنة البلدي بتدي ريحة تحفة للأكل وبإذن الله في مرة تانية هحطلكم طريقة عملها في البيت لل مش بيعرف يعملها) - نقلب كويس لحد ما تدبل البصلة وتتشوح الكبد والقوانص
- نضيف الميه السخنة أو الشوربة - لمايشرب ميته نحط شياطة الرز او الصاجة مش عارفة انتوا بتقولوا عليها ايه بس هي بتبأى صاجة تخينة فكرتها انها بتوزع الحرارة وبتخلي الرز يستوي براحته
اضغطي هنا لمشاهدة الصورة بحجمها الأصلي
- لما الرز يستوي نكون مولعين فحمة ونعمل حفرة في قلب الرز في الحلة ونحط ورقة الومنيوم على شكل فنجان ونحط فيها الفحمة المتولعة ونطفيها بمعلقة زيت ونقفل غطا الحلة 5 دقايق - المكسرات ( انا استعملت لوز شرايح وسوداني وزبيب انتي استعملي المكسرات ال بتحبيها بس اساسي الزبيب وده بتحطيه في اخر التحمير علشان ما يتحرقش يادوب ثواني على النار يفشر بس وياخد طعم السمنة) أختياري تزيني بيها وش الرز أو تقلبيها مع الرز لما يتوي قبل ما تحطي الفحمة
اضغطي هنا لمشاهدة الصورة بحجمها الأصلي
انا جوزي بيحبها متقلبة عليها على الرز وده شكله في الآخر وانا زينته بوردات البطاطس ووردة طماطم
اضغطي هنا لمشاهدة الصورة بحجمها الأصلي
ندخل بأه على الفراخ المشوية في الفرن وده شكلها برده
اضغطي هنا لمشاهدة الصورة بحجمها الأصلي
مقاديرها بصلة كبيرة فصن ثوم ملح وفلف وبهار لحمة 1/2 عصير ليمونة معلقة خل فصين حبهان( حب الهيل) معلقة سمنة بلدي الطريقة - نتبل اللحمة بالتتبيلة دي كلها ماعدا السمنة ونحطها في التلاجة مش اقل من ساعتين انا بيتها في التلاجة
اضغطي هنا لمشاهدة الصورة بحجمها الأصلي
- تاني يوم ضيفت المية ومعلقة السمنة وعلى الفرن
اضغطي هنا لمشاهدة الصورة بحجمها الأصلي
- بس كده خلاص شوفتوا اسهل من كده
اضغطي هنا لمشاهدة الصورة بحجمها الأصلي
دي صور لوردات البطاطس المقلية علشان تزيني بيها اكلك
اضغطي هنا لمشاهدة الصورة بحجمها الأصلي
اضغطي هنا لمشاهدة الصورة بحجمها الأصلي
اضغطي هنا لمشاهدة الصورة بحجمها الأصلي
نمسكها بخلة سنان ونقليها في الزيت ولما تطلع نستنى تهدى ونشيل منها الخلة بحرص
هام جداً: قوانين المساهمة في المواضيع. انقر هنا للمعاينة
احترم مواضيع الآخرين ليحترم الآخرون مواضيعك لا تحتكر الموضوع لنفسك بإرسال عدة مساهمات متتالية عند طرح موضوع يجب أن تتأكد أن عنوان الموضوع مناسب او لا تحل بحسن الخلق و بأدب الحوار و النقاش لا تنس أن اختلاف الرأي لا يفسد للود قضية, فلا تتهجم على عضو بدعوى أنه لا يشاطرك الرأي ان قطعت عهدآ مع عضو فأوفي بوعدك لأنه دين عليك إن حصل خلاف بينك و بين عضو حول مسألة ما فلا تناقشا المشكله على العام بل على الخاص ان احترمت هذه الشروط البسيطة, ضمنت حقوقك و عرفت واجباتك. و هذه افضل طريقة تضمن بها لنفسك ثم لمساهماتك و مواضيعك البقاء و لمنتداك الإزدهار في موقعنا إدارة منتديات برامج بلا حدود
Home
5/2/2013, 6:39 pm
هام جداً: قوانين المساهمة في المواضيع. انقر هنا للمعاينة 
